حوار.. بين وليد و منى ...
منى ...
يا اغلى بشر قلبي يحبه ويغليه
تدري وش اكثر شي ودي اسويه
ودي اذا شفتك في ضيقه ومهموم
اخذ شقا قلبك وفي قلبي ارميه
وليد ...
من دنيتي كل شي تبغينه اخذيه
إلا الحزن والهم خليه خليه
حزني كتوف الوقت عيت تشيله
والهم بي اكبر من انك تشيليه
منى ...
علمتني الحب ما بين قلبين
يعني عمر واحد يعيشونه اثنين
طيب تعال بنقسم العمر نصفين
نتشارك افراحه وجرحه نداويه
وليد ...
يا طير قلبي يالغلا يا ضيا العين
انتي شريكه نبض قلبي من سنين
مهما اداري عنك احزاني تبين
لانك في قلبي وعارفه كل مافيه
منى ...
اسمع حبيبي صوت قلبي وشوفه
في كل نبضه يكبر احساس خوفه
خوفي عليك من الزمان وسيوفه
ارجوك طمن خوف قلبي وهديه
وليد ...
لا لا تخافين الزمان وظروفه
ما تهز قلبي اللي يحبك صروفه
بكره الحزن والهم ترحل طيوفه
وامسح جديد الحزن بأفراح ماضيه
-+--.png)
